၂၀၂၀ ခုနှစ်မှ စတင်၍ ကိုးဗစ် ၁၉ ကပ်ရောဂါ၊ ၂၀၂၁ ခုနှစ် စစ်အာဏာသိမ်းမှုနှင့် ကမ္ဘာတဝန်း ကုန်စျေးနှုန်းများ တဟုန်ထိုး မြှင့်တက်မှုတို့သည် မြန်မာပြည်သူများအပေါ် ကြီးမားသော ရိုက်ခတ်မှုများဖြစ်ပေါ်စေခဲ့ပါသည်။ ထိုရိုက်ခတ်မှုများထဲမှ တစ်ခုမှာ အလုပ်အကိုင်ဖြစ်ပါသည်။ ၂၀၂၂ ခုနှစ် ပထမနှစ်ဝက်တွင် အနည်းငယ်ပြန်လည် ကောင်းမွန်လာသော်လည်း အလုပ်လက်မဲ့ဖြစ်ခြင်း၊ အလုပ်နှင့် အရည်အချင်းကိုက်ညီမှုမရှိခြင်းများသည် ၂၀၂၀ ခုနှစ် ကပ်ရောဂါ ကာလမတိုင်ခင်ထက် ပိုမိုဆိုးရွားလာကြောင်း တွေ့ရပါသည်။ ယခုလေ့လာချက်သည် မြန်မာနိုင်ငံတွင် အလုပ်ရပ်နားခြင်းနှင့် ပတ်သက်သည့် ယန္တရားနှင့် အလုပ်လက်မဲ့ဖြစ်သွားသော အလုပ်သမားများရင်ဆိုင်နေရသော အကျိုးဆက်များကို နားလည်စေရန် အကူအညီပေးပါသည်။ ထို့ပြင် မည်သို့သောသူများသည် အလုပ်ဆုံးရှုံးကြောင်း၊ အလုပ်သမားများနှင့် အလုပ်ရှင်များသည့် အဘယ်ကြောင့် အလုပ်ရှင်၊ အလုပ်သမား ဆက်ဆံရေးကို ရပ်တန့်ကြောင်းနှင့် မည်ကဲ့သို့ ရပ်တန့်ကြောင်း၊ ယခုလက်ရှိ ဝင်ငွေ အကာအကွယ်ပေးခြင်း ယန္တရားများသည် မည်ကဲ့သို့ ထိရောက်မှုရှိရှိ သို့မဟုတ် ထိရောက်မှုမရှိဘဲ အလုပ်သမားများကို အကူအညီပေးနိုင်ကြောင်း ဖော်ထုတ်ထားပါသည်။