ကိုပ်ကၠာနူဟွံဂွံပ္တိုန်အမှုကဵုညးဒးဒုၚ်စောဲဂဗုတ်ဏီဂှ် နူကဵုနာဲဗ္စာရုၚ်သၞောဝ်ဓဝ် ဒးကဵုပ္တိုန်ထ္ၜးတၚ်နၚ်အမှု သီုၜါလ္ပာ်ရောၚ်။ ပ္ဍဲကဵုဒၞဲါဏံဝွံ လ္ပာ်ညးစောဲဂဗုတ်ဂှ် ပ္တိုန်အမှုထေက်ကီု၊ လ္ပာ်ညးဒးဒုၚ်စောဲဂဗုတ်ဂှ် ပ္တိုန်အမှုဟွံထေက်ကီု သာ်ဏံ ဟီုဂးကၠုၚ်ရောၚ်။ နူဂှ်မွဲအဆံၚ် သွက်ဂွံစောဲပ္တိုန်အမှုကုညးမွဲလ္ပာ်တေံဂှ် လ္ပာ်ညးစောဲဂဗုတ်တအ် ပ္တိုန်ထ္ၜးလဝ်တၚ်နၚ်သက်သဳဍိုက်ပေၚ် ဟွံဍိုက်ပေၚ် နူကဵုနာဲဗ္စာကဵုသ္ဂုတ်သွာရောၚ်။ နူကဵုနာဲဗ္စာ ယဝ်ရပ္တိုန်အမှုဏောၚ် ဒှ်ကၠုၚ်မ္ဂး လ္တူတၚ်နၚ်အမှုမပ္တိုန်လဝ်တအ်ဂှ် ဒုၚ်ကံပါၚ်ဟာ ဟွံသေၚ် တးပဲါဟာ သာ်ဏံ သၟာန်က္လးတဴလ္ပာ်ညးဒးဒုၚ်စောဲဂဗုတ်ဂှ်ရောၚ်။
