ပ္ဍဲကဵုကၟိန်အိန်ထံၚ်အဲ နွံဒၟံၚ်ကဵုပြသၞာရ။

အမှုပလီုပလာ်ကောန်သမ္ဘာညး ကေုာံပွမလုတ်လောန်ပ္ကီုစပ်ကဵု ပရေၚ်လိၚ်တၞဟ်ဟ်

ညးတြုံမွဲဝွံ ယဝ်ရဆက်ဆောံလိၚ်ကဵု ညးဗြဴသၟဝ်အာယုက် ၁၆ သၞာံ မ္ဂး ညးဗြဴဂှ်တုပ်စိုတ်ကီုဒှ် ဟွံတုပ်စိုတ်ကီုဒှ် အာစိုပ်ဒဒှ် အမှုပလီုပလာ်ကောန်သမ္ဘာညးရ။^{12 (ရာဇသာတ်ဇၞော် ၝောံပိုဒ် ၃၇၅၊ ဥပဒေမပလေဝ်ပလေတ်လဝ်ရာဇာသာတ်ဇၞော် (၆/၂၀၁၆) ၝောံပိုဒ် ၂၉(က)။)}

လုတ်လောန်ပလီုကောန်ၚာ်ဗြဴ သၟဝ်အာယုက် ၁၂ သၞာံမ္ဂး မဒးဒဏ်ထံၚ် နူကဵု ၂၀ သၞာံ ဒဵုကဵုအတိုၚ်မွဲအာယုက် မာန်ရောၚ်။^{13 (ဥပဒေမပလေဝ်ပလေတ်လဝ်ရာဇာသာတ်ဇၞော် (၂၀၁၉) ၝောံပိုဒ် ၃၇၆(၃)။)}

ယဝ်ရဆက်ဆောံလိၚ်ကုညးဗြဴ လ္တူ ၁၆ သၞာံဂှ် ညးဗြဴဟွံတုပ်စိုတ်မ္ဂး မဒှ်အမှုပလီုပလာ်ကောန်သမ္ဘာညးရ။^{14 (ရာဇသာတ်ဇၞော် ၝောံပိုဒ် ၃၇၅၊ ဥပဒေမပလေဝ်ပလေတ်လဝ်ရာဇသာတ်ဇၞော် (၂၀၁၉) ၆/၂၀၁၆) ၝောံပိုဒ် ၂၉(က)။)} ဆက်ဆောံလိၚ်ကုဗြဴကဝံၚ်ဇကုလေဝ် ဍေံဟွံတုပ်စိုတ်မ္ဂး အာစိုပ်ဒဒှ် အမှုပလီုပလာ်ကောန်သမ္ဘာညးရ။^{15 (ဥပဒေမပလေဝ်ပလေတ်လဝ်ရာဇသာတ်ဇၞော် (၂၀၁၉) ၝောံပိုဒ် ၃၇၆(၂)။)}

နဲကဲ ပွမလီဠာန်လှန်ၜတ်၊ ပွမဘပဠသ္ဂောံကဵုဂိသကေဝ်၊ ပွမကေတ်ပရဲကာမ နူညးဟွံတီကၠိုဟ်သဘဴပွမတုပ်စိုတ် ကေုာံ ဖဵုလက္ကရဴတံဂှ် “ တုပ်စိုတ်ရ” သ္ဂးဟွံဂွံ။ ပ္ဍဲဂှ်ဝွံ မၞိဟ်ဟိုတ်နူဝိုတ်တၠိၚ်လဟိၚ်ဒၟံၚ်တုဲ ကၠိုဟ်တီဟိုတ်ဖဵုဍေံဟွံမာန်တံလေဝ် မပါကီုရ။^{16 (ရာဇသာတ်ဇၞော် ၝောံပိုဒ် ၉၀။)}

မၞိဟ်မသအရၚ်(ဆီအရၚ်)တံ ပွမဆက်ဆောံလိၚ်၊ ပွမပ္ကီုပရေၚ်လိၚ်ညးသ္ကအ် တံဂှ် ဟွံလုပ်အဝေါၚ် ပ္ဍဲအမှုပလီုပလာ်ကောန်သမ္ဘာညးကီုလေဝ် နူသၟဝ်တၚ်ပၠဒတန် “ပွမဆက်ဆောံလိၚ် မစှ်ေစးကဵုဓမ္မတာ”ဂှ် မဒးဒုၚ်စောဲအမှု မာန်ရ။^{17 (ရာဇသာတ်ဇၞော် ၝောံပိုဒ် ၃၇၇။)}

ပ္ဍဲဥပဒေစဵုဒၞာကဵုလဝ် ဟိရိ ကေုာံဂုဏ်သိက္ခာညးဗြဴတံဂှ် ညးဗြဴဟွံတုပ်စိုတ်မွဲသာ် ပွမဒွံရပ် ဂှ်လေဝ် မဒှ်အမှုရာဇဝတ်ရ။ ^{18 (ရာဇသာတ်ဇၞော် ၝောံပိုဒ် ၃၅၄။)}

ပွမသ္ပဇၞး^{19 (ရာဇသာတ်ဇၞော် ၝောံပိုဒ် ၃၅၀။)} နာကျပွမသ္ကဵုဂိသကေဝ် ကေုာံ ပွမသ္ကဵုဂိသကေဝ်ဗွဲမသ္ကာတ်မြဟ်^{20 (ရာဇသာတ်ဇၞော် ၝောံပိုဒ် ၃၂၁-၃၃၈။)} ၊ ပွမဆေဝ်တာဒစဵုဒစးနဟၟဲကဵုဗဗွဲဓရ် ကေုာံပွမဖျေံထံၚ်ဗွဲမဗၠေတ်မှာ^{21 (ရာဇသာတ်ဇၞော် ၝောံပိုဒ် ၃၃၉၊ ၃၄၂။} တံဂှ် နမွဲစွံကဵု အမှုပလီုပလာ်ကောန်သမ္ဘာညးတၞဟ် မစောဲအမှုမာန်ရ။

ရံၚ်ပ္ဍဲနူကဵုကဝံၚ်အဖက် (ဟွံသေၚ်မ္ဂး) ရဲကၟိန်သ္ၚိဇကုဂှ် ပွမကဵုအန္တရာဲ ညံၚ် ကာယကေုာံစိုတ် သ္ဂောံဂိသကေဝ် ဂှ်ညိ။

 

သင်လုပ်နိုင်သည့်အရာများ

အရီုအဗၚ် မဆေၚ်ကဵုဥပဒေ

နကဵုညးဒးဒုၚ်လုတ်လောန် အမှုပလီုပလာ်ကောန်သမ္ဘာညး ကေုာံပွမလုတ်လောန်ပ္ကီု မစပ်ကဵုပရေၚ်လိၚ်တၞဟ်ဟ်ဝွံ သ္ဒးကေတ်အရီုအဗၚ်နူ တၠပညာသၞောဝ်ဥပဒေ ၜိုတ်မပြဟ်မာန် မထေက်ရ။

ပ္ဍဲသဇိုၚ်ဒၟံၚ်လ္ၚဵုတံတှ်ေ ဟိုတ်နူဂရၚ်တေၚ်ကဵုညးအလဵုအသဳတံ ဂှ် ဒုဟ်ဖဵုလက္ကရဴပရေၚ်ပရူဥပဒေတံ မၞုံကၠုၚ်မာန်ရ။

ပွမဂရၚ်တေၚ်ကဵု သၞာဲဒဴဗၠာဲသၟိၚ်

ပရူပရာဆေၚ်စပ်ကဵုအမှုရာဇဝတ်လဵုဒှ်ဒှ် ပ္ဍဲကဵုဗဒိုပ်ဗၠာဲသၟိၚ်မကြပ်အိုတ်ကဵု ဒၞာဲမဒှ်လဝ်^{42 (ဥပဒေပြဝေဏဳရာဇဝတ် ၝောံပိုဒ် ၁၅၄၊ ၁၅၅(၁)။ လိက်သ္ကေံတဲဗၠာဲသၟိၚ် အပိုဒ် ၁၄၁၄။)}  ဟွံသေၚ်မ္ဂး ဒၞာဲဒုဟ်ဖဵုအမှုမဆက်က္တဵုဒှ်ဒၟံၚ်^{43 (ဥပဒေပြဝေဏဳရာဇဝတ် ၝောံပိုဒ် ၁၇၉၊ ၁၅၆(၁)၊ ၁၅၅။)} ဂှ် မ္ဒးဂရၚ်တေၚ်မာန်ရ။

သၞာဲဒဴဗၠာဲသၟိၚ် ဟွံရေၚ်တၠုၚ်နကဵုဝတ်တာလျိုၚ်ညး မ္ဂး နကဵုဥပဒေထိၚ်ဒဝ်စေဝ်ပၞောန်ဒပ်ဗၠာဲသၟိၚ်ညးဍုၚ်ကွာန် (၁၉၉၅) ဂှ် ကေၚ်ကာစောဲအမှု မမာန်ရ။^{44 (ဥပဒေထိၚ်ဒဝ်စေဝ်ပၞောန်ဒပ်ဗၠာဲသၟိၚ်ညးဍုၚ်ကွာန် (၁၉၉၅))}

ပ္ဍဲကဵုဂှ်တှ်ေ သၞာဲဒဴဂှ် ဟွံပံက်ချူကဵု တၚ်ဂရၚ်တေၚ်ပထမ ဟွံသေၚ်မ္ဂး ပွမအာတ်သၠုဲသြန် သွက်သ္ဂောံစၟဳစၟတ်ကဵု တၚ်ဂရၚ်တေၚ်တံဂှ်လေဝ် မပါလုပ်ရ။

ပ္ဍဲကဵုဂှ်တှ်ေ သၞာဲဒဴဂှ် ဟွံပံက်ချူကဵု တၚ်ဂရၚ်တေၚ်ပထမ ဟွံသေၚ်မ္ဂး ပွမအာတ်သၠုဲသြန် သွက်သ္ဂောံစၟဳစၟတ်ကဵု တၚ်ဂရၚ်တေၚ်တံဂှ်လေဝ် မပါလုပ်ရ။

ပွမလွဳလွတ်ဂဥုဲကာမံက်တိုန်

ဗွဲတၟေၚ် အမှုပလီုကောန်သမ္ဘာညး ဒှ်ကၠုၚ်တှ်ေ ဓဝါဲဂှ်ညံၚ်သ္ဂောံဂွံ တၚ်ဒုၚ်ကာပရေၚ်ထတ်ယုက်မပၟိက်ဇၞော်တံဂှ် မဒးကၠောန်ရ။ ပ္ဍဲတၚ်ဒုၚ်ကာတံဂှ်တှ်ေ

• ပွမဂၠာဲပကောံ တၚ်ဂၞၚ်သက်သဳအထံက်ဂမၠိုၚ် သွက်သ္ဂောံစောဲအမှုရာဇဝတ်
• ပွမဂၠိုက်ဂၠာဲ ကေုာံလွဳလွတ်ယဲ မကၠောံထၞာန်လေပ်နူဆက်ဆောံလိၚ်
• ပွမစဵုဒၞာ ပဋိသန္ဓိမပၟိက်ဇၞော် ညံၚ်ဂွိုအ်ကလိဂွံကောန် တံ မပါလုပ်ရ။

ပွမသဳကၠဳဗၜိုဟ်ကဵုစိုတ်

ညးမဒးဒုၚ်လုတ်လောန်အမှု ပလီုပလာ်ကောန်သမ္ဘာညး ကေုာံပွမမလုတ်လောန်ပ္ကီု စပ်ကဵုပရေၚ်လိၚ်တၞဟ်ဟ်တံဝွံ မ္ဒးဒုၚ်စသိုၚ်ပွမ ဂွ၊ ပွမဖေက်လကိုတ် ချဳဂတဝ်တံတုဲ သီုလက္ချန်စိုတ်ဂြတ်ဂြေက်လွပ်စိုတ်လေဝ် မဆဵုဂဗမာန်ရ။

ကျွန်ုပ်လုပ်နိုင်သည်များ – အိမ်ထောင်ဖက် သို့မဟုတ် မိသားစုဝင်မှ ရုပ်ပိုင်း/ စိတ်ပိုင်းဆိုင်ရာ ထိခိုက်အောင် အန္တရာယ်ပြုခြင်း ကိုကြည့်ပါ။

 

တၚ်ကဵုကသပ်သ္ဂောံလိၚ်ညးရေၚ်တၠုၚ်အမှု

ပါဲနူဟံၚ်ပြာ်လမျီုညးဗြဴဂှ်တုဲ ပွမပလီုဖျေံ ယဲဒိုက် ၊ ပွမသ္ကဵု ယဲဒိုက် လီုတံဂှ် မစှ်ေစးဒၟံၚ်ကဵုဥပဒေရ။^{22 (ရာဇသာတ်ဇၞော် ၝောံပိုဒ် ၃၁၂။)}

ပလီုဖျေံ ယဲဒိုက် ပ္ဍဲအခိၚ် ယဲဒိုက် ကြံၚ်ဍုဟ်ဂှ်ဒှ်ဒှ် ညးဗြဴဂှ်ဟွံတုပ်စိုတ်တှ်ေဒှ်ဒှ် ဟွံသေၚ်မ္ဂး အဃောပလီု ယဲဒိုက် ညးဗြဴဂှ်ချိုတ်အာတှ်ေဒှ်ဒှ် ဒုဟ်ဒဏ်မဇၞော်ဂၠိုၚ်ဂှ် ဒးဒုၚ်ဖျေံမာန်ရ။^{23 (ရာဇသာတ်ဇၞော် ၝောံပိုဒ် ၃၁၂၊ ၃၁၃၊ ၃၁၄။)}

တၞဟ်နသ္ဂောံဂြောပ်ဗ္ဒန်ထောံ ဒဒှ်ရမၜံၚ်သၠးလဝ်ကောန်ဂှ်တုဲ ပွမတိုပ်ကၠေံ ဟွံသေၚ်မ္ဂး ပွမကၠဟ်ထောံဇွ ကောန်ဖျုန်ဂၠံဂဝ်၊ ဟွံသေၚ်မ္ဂး ကောန်ၚာ်စသ္ဂောံၜံၚ်တံဂှ်လေဝ် မဒှ်အမှုရာဇဝတ်ရ။^{24 (ရာဇသာတ်ဇၞော် ၝောံပိုဒ် ၃၁၈။)}

လာၚ်ဇြေန်ဟၟဲမွဲသာ် ပွမသ္ပ ဣမိ (ညးၜံၚ်ကဵုကောန်ၚာ်) တှ်ေလေဝ် မစှ်ေစးဒၟံၚ်ကဵုဥပဒေရ။^{25 (ဥပဒေကံၚ်ဇြီ ခုဇ္ဇာ ကေုာံလွဳၜံၚ်ကောန်ၚာ် ဍုၚ်ဗၟာ(၁၉၉၀)ၝောံပိုဒ် ၂၁။)}

တၚ်ထံက်ဂလာန်သ္ပသမ္တီဗွဲမလုပ်သၞောဝ်နူ ဇမၞော်ဂကောံမဆေၚ်ကဵု ပညာဂဥုဲတံဟၟဲမွဲသာ် ကၠောန်သ္ပတဴ ညံၚ်ပဋိသန္ဓိဂွိုအ်တန် မ္ဂး ညးတၠယဲသၟးဟွံက သီုညးကၠောန်ကဵုဂှ်လေဝ် ဒးဒုၚ်ဖျေံ ဒဏ်ထံၚ်၊ ဒဏ်ဩန်တံ မာန်ဒၟံၚ်ရ။^{26 (ရာဇသာတ်ဇၞော် ၝောံပိုဒ် ၃၁၂(က)၊ ၃၁၂(ဂ)။)}

အဃောကၠောန်သ္ပဒၟံၚ်သာ်ဂှ်ဝွံ ယဝ်ညးဗြဴဂှ် ချိုတ်အာမ္ဂး (ဟွံသေၚ်တှ်ေ) ဆန္ဒညးဗြဴဟွံပါမွဲသာ် ကၠောန်သ္ပတဴမ္ဂး ထပ်ဂလိုၚ်ပ္တိုန်ဒုဟ်တၚ် မမာန်ရ။^{27 (ရာဇသတ်ကြီး ပုဒ်မ ၃၁၂(ဃ)။)}

 

သင်လုပ်နိုင်သည့်အရာများ

ပကိစ္စမဆေၚ်စပ်ကဵု ပရေၚ်ထတ်ယုက်ကလိကေတ်ကောန် ဂမၠိုၚ်

ပွမချပ်ဂၞန်သဳကၠဳကဵု သွက် ဒၟုၚ်ဂလေၚ်ကောန် ကေုာံကိစ္စကေၚ်ကာ မဆေၚ်စပ်ကဵု ပရေၚ်ကလိကေတ်ကောန် ရေၚ်တၠုၚ်ကဵု တၚ်ဒုၚ်ကာမဆေၚ်ကဵုဂဥုဲ ပူဂဵု ကေုာံဂကောံဗော် မရေၚ်တၠုၚ်ကဵုဒၟံၚ်အရီုအဗၚ်စပ်ကဵုပရူပရာဥပဒေတံ မၞုံတၟာဂလိုၚ်ရ။

ဗွဲတၟေၚ် ဒှ်ကၠုၚ်အမှုပလီုကောန်သမ္ဘာညးတှ်ေ သ္ဂောံဆေဝ်တာဒဒှ်ကလိဂွံပဋိသန္ဓိ နကဵုနဲစဵုဒၞာပဋိသန္ဓိ ကာမံက်တိုန်ဂှ်တှ်ေ ကေတ်တၚ်ဒုၚ်ကာပရေၚ်ထတ်ယုက်ကာမံက်တိုန် ဓဝါဲဂှ်ညိ။

 

တၚ်ကဵုကသပ်သ္ဂောံလိၚ်ညးရေၚ်တၠုၚ်အမှု

တာလျိုၚ်နကဵုဥပဒေ သ္ဂောံထိၚ်ဒဝ်မၚ်မွဲကောန်ၚာ်သၟတ်

မိမ ဟွံသေၚ်မ္ဂး ညးထိၚ်ဒဝ်ဗဗွဲသၞောဝ်တံဝွံ သွက်သ္ဂောံစဵုဒၞာကောန်ၚာ်ဇကု နူဒးဒုၚ်ပျဲပျာံပ္ကီုပရာပ်၊ သွက်သ္ဂောံထံက်ပၚ်သၠုဲသြန်၊ သွက်သ္ဂောံရံၚ်စံၚ်ကဵုပရေၚ်ထတ်ယုက်၊ သွက်သ္ဂောံကဵုအခေါၚ်ကတ်ပညာ၊ သွက်သ္ဂောံကၠောန်ကဵုစရၚ်ဒှ်မၞိဟ်တံ မပ္တံလၟေၚ်ကိစ္စတံတုဲ တာလျိုၚ်မၞုံရ။^{28 (ဥပဒေကောန်ၚာ်သၟတ် (၂၀၁၉) ၝောံပိုဒ် ၃၄၊ ၄၁။)}

ဇၟာပ်ကောန်ၚာ်ဝွံ အခေါၚ်ဒၟံၚ်တဴကရောံမိမမွဲလ္ပာ် ဟွံသေၚ်မ္ဂး မိမသီုၜါလ္ပာ် မၞုံရ။^{29 (ဥပဒေကောန်ၚာ်သၟတ် (၂၀၁၉) ၝောံပိုဒ် ၁၉(ဂ)။)} ပါဲနူတၚ်ရန်တၟံ ကောန်ၚာ်သ္ဂောံနွံကၠုၚ်ကဵုဖဵုပရဲဂှ်တုဲ ပါ်ပရးလဝ်ကဵုမိမ နကဵုနဲအဓမ္မဂှ် ဟွံဂွံရ။

ဍဲမ္ၚးတေံ မၞိဟ်ထိၚ်ဒဝ်ရံၚ်စံၚ်ကဵုကောန်ၚာ်ဟၟဲမ္ဂး ကောန်ထံၚ်ညးဗြဴဝွံ အာတ်အခေါၚ်စွံကောန် ကရောံဇကု စဵုကဵုအာယုက်ဍေံ ၆ သၞာံ မမာန်ရ။^{30 (ဥပဒေကောန်ၚာ်သၟတ် (၂၀၁၉) ၝောံပိုဒ် ၉၄(ခ)။)} ပ္ဍဲမ္ၚးတေံ မၞိဟ်ထိၚ်ဒဝ်ရံၚ်စံၚ်ကဵုကောန်ၚာ်ဟၟဲမ္ဂး ကောန်ထံၚ်ညးဗြဴဝွံ အာတ်အခေါၚ်စွံကောန် ကရောံဇကု စဵုကဵုအာယုက်ဍေံ ၆ သၞာံ မမာန်ရ။30 ပ္ဍဲအကာဲအရာဗီုဂှ်တှ်ေ သွက်ကောန်ၚာ် ဂွံစသုၚ်မံၚ်စံၚ်၊ ဗွိုက်လတက် ကေုာံအရံၚ်အစံၚ်ပရၚ်ထေတ်ယုက်ဂှ် တာလျိုၚ်မၞုံပ္ဍဲ သၞာဲဒဴထံၚ်ဂှ်ရ။^{31 (ဥပဒေကောန်ၚာ်သၟတ် (၂၀၁၉) ၝောံပိုဒ် ၉၄(ဂ)။)}

မိမ (ဟွံသေၚ်မ္ဂး) ညထိၚ်ဒဝ်ဗဗွဲသၞောဝ်ဂှ် သ္ပဥပေက္ခာဓဇန်ဟွံသေၚ်မ္ဂး ပွမကၠဟ်ထောံလဝ်ကောန်ၚာ် ဗွဲမသၟဝ် အာယုက် ၁၂ သၞာံဂှ်လေဝ် မဒှ်အမှုရာဇဝတ်ရ။^{32 (ရာဇသာတ်ဇၞော် ၝောံပိုဒ် ၃၁၇။)}

မၞိဟ်ဇမၞော် စိုပ်အဝဲတံ (ဟွံသေၚ်မ္ဂး) ညးထိၚ်ဒဝ်ဗဗွဲသၞောဝ်တံဝွံ မဒးစဵုဒၞာကဵုကောန်ၚာ်မွဲမွဲ ညံၚ်ဂွိုအ်ဒးဒုၚ်ပ္ကီုကြာန်၊ ညံၚ်ဂွိုအ်ဒးဒုၚ်ပ္တိတ်ပရဲ ကေုာံ ညံၚ်ဂွိုအ်ဒးဒုၚ်သုၚ်စောဲ နနဲဗၠေတ် တၞဟ်ဟ်သာ်တံ တာလျိုၚ်မၞုံရ။ သာ်ဝွံဟွံစဵုဒၞာကဵုကောန်ၚာ် ယဝ်တာလျိုၚ်လီုအာမ္ဂး နကဵုအမှုရာဇဝတ်ဒှ်ဒှ်၊ နကဵု အမှုဓမ္မဝတ်ဒှ်ဒှ် မဒးဒုၚ် ကဵုဒုဟ်ဒဏ်မာန်ရ။ နကဵုဥပမာတှ်ေ ပွမသ္ကဵုကောန်ၚာ်မွဲဂှ် အာတ်စ၊ ပွမသ္ကဵုသ္ပဗြဴစရာဲဍုၚ်တံဂှ် သ္ဂောံစဵုဒၞာကဵုတာလျိုၚ်လီုအာမ္ဂး မဒှ်အမှုရာဇဝတ်ရ။^{33 (ဥပဒေကောန်ၚာ်သၟတ် (၂၀၁၉) ၝောံပိုဒ် ၁၀၅။)}

ဝတ်တာလျိုၚ် စပ်ကဵုပွမထံက်ပၚ်သၠုဲသြန်တံ ဂမၠိုၚ်

နကဵုမိမတံ တာလျိုၚ်မဒးထံက်ပၚ်ကုကောန်ၚာ် မၞုံရ။^{34 (ဥပဒေကောန်ၚာ်သၟတ် (၂၀၁၉) ၝောံပိုဒ် ၄၁။)}

ကောန်ၚာ်သၟတ်မွဲဝွံ နူမိမညးတေံ ဟွံကဵုပရေၚ်ထံက်ပၚ် မၞုံပၟိက်တံမ္ဂးတှ်ေ အခေါၚ်အာတ်ကေတ် သြန်ထံက်ပၚ်လၟေၚ်ဂိတု နူမိမတံ မၞုံရ။^{35 (ဥပဒေကောန်ၚာ်သၟတ် (၂၀၁၉) ၝောံပိုဒ် ၄၂ (က)-(ခ)။}

တန်တဴကဵုသဇိုၚ်ဒၟံၚ်လ္ၚဵုတံတုဲ သ္ဂောံကဵု သြန်ထံက်ပၚ် ကုကောန်ၚာ်ဂှ် နူကဵုအလဵုကောန်ၚာ် ကေုာံ နူကဵုညးထိၚ်ဒဝ်တၞဟ်ဟ်မွဲ စောဲအမှုအာတ်ကေတ်အပါဍေံ နကဵုဥပဒေပြဝေဏဳရာဇဝတ် မာန်ရ။^{36 (ဥပဒေပြဝေဏဳရာဇဝတ် ၝောံပိုဒ် ၄၈၈(၁)၊ ဥပဒေကောန်ၚာ်သၟတ် (၂၀၁၉) ၝောံပိုဒ် ၄၂(က)-(ခ)။)}

သ္ဂောံစောဲအမှုအာတ်ကေတ်သာ်ဂှ်တှ်ေ ဟွံဆက်စပ်ကဵု ဒဒှ်ကောန်လုပ်သၞောဝ်ဟာ ဟွံလုပ်သၞောဝ်ဟာဂှ် ရ။^{37 (ဥပဒေပြဝေဏဳရာဇဝတ် ၝောံပိုဒ် ၄၈၈(၈)။)}

မိမၜါ ပြးထောံလဝ်ညးသ္ကအ်ဟာ ဟွံသေၚ်ဟာဂှ်လေဝ် ဟွံဆက်စပ်ရ။^{38 (ဥပဒေကောန်ၚာ်သၟတ် (၂၀၁၉) ၝောံပိုဒ် ၄၂(က)။)}

 

 

တၚ်ကဵုကသပ်သ္ဂောံလိၚ်ညးရေၚ်တၠုၚ်အမှု